مراقبون : مدينة هشام طلعت مصطفي الجديدة بشرق القاهرة سترفع اسعار العقارات في بدر والشروق ومدينتي والعاصمة

في خطوة جديدة ممكن تغيّر شكل الحياة في القاهرة، أعلنت مجموعة طلعت مصطفى عن إطلاق مشروع ضخم جدًا باسم "ذا سباين" داخل مدينتي شرق القاهرة، باستثمارات بتوصل لـ1.4 تريليون جنيه، ومبيعات متوقعة تتخطى 1.7 تريليون جنيه على مدار سنوات التنفيذ.

المشروع مش مجرد كومباوند عادي، لكنه بيقدم فكرة مختلفة تمامًا عن شكل المدن اللي إحنا متعودين عليها.. الفكرة الأساسية إن كل العربيات هتنزل تحت الأرض بالكامل، يعني مفيش زحمة ولا دوشة فوق.

الحركة على سطح المدينة هتكون للمشاة أو عن طريق الترام فقط، وده معناه شوارع أهدى، هواء أنضف، وتجربة معيشة أقرب للمدن الأوروبية الحديثة اللي بتركز على الإنسان مش العربية.

المشروع كمان بيتنفذ بالتعاون مع شركة "سامسونج سي آند تي" العالمية، واحدة من أكبر شركات المقاولات في العالم، واللي شاركت في تنفيذ مشروعات ضخمة زي برج خليفة في دبي وبرج ميرديكا في ماليزيا، وده بيدي مؤشر قوي على مستوى التصميم والتنفيذ المتوقع.

التصريحات دي جات على لسان هشام طلعت مصطفى خلال ظهوره في برنامج "الحكاية" على قناة MBC مصر، واللي أكد إن المشروع بيستهدف تقديم نموذج جديد للمدن الذكية في مصر.

كما اشار مراقبون للسوق العقاري ان موقع هذه المدينة في شرق القاهرة سيكون له تأثير كبير علي اسعار  العقارات وخاصة في مدينة الشروق وبدر والعاصمة الإدارية 

واشاروا ان وجود هذه المدن  الجديدة  يتسبب في نهضة جميع المدن المجاورة لها  وخاصة في ظل شبكة الطرق الجديدة والتي ربطت هذه المدن بشبكة طرق قوية سهلت ربط   هذه المدن ببعضها